Sett ta’ għodod tal-kampanja

Twitter

Adattat għal:

It-tipi kollha ta’ organizzazzjonijiet.

X’inhi?

Twitter huwa servizz ta’ networking soċjali u mikro-blogging b’xejn. Jippermetti lill-utenti jibagħtu “aġġornamenti” (jew “tweets”: posts ibbażati fuq test, sa 140 karattru) lis-sit web ta’ Twitter permezz ta’ servizz ta’ messaġġi qosra (eż. fuq mowbajl), messaġġi istantanji, mill-kompjuter tagħhom id-dar jew ix-xogħol, jew permezz ta’ applikazzjoni ta’ parti terza.

Benefiċċji

  • Twitter, li bħala popolarità jiġi biss wara Facebook, huwa wieħed mis-servizzi ta’ networking soċjali l-aktar popolari.
  • Huwa għodda tajba biex iżżomm lis-“segwaċi” tiegħek aġġornati bl-aħbarijiet l-aktar importanti tal-kampanja tiegħek.

Benefiċċji

  • Twitter, li bħala popolarità jiġi biss wara Facebook, huwa wieħed mis-servizzi ta’ networking soċjali l-aktar popolari.
  • Huwa għodda tajba biex iżżomm lis-“segwaċi” tiegħek aġġornati bl-aħbarijiet l-aktar importanti tal-kampanja tiegħek.

Limitazzjonijiet

  • B’kuntrast ma’ Facebook, Twitter m’għandux ħafna għażliet biex ittella’ materjali. L-għodda prinċipali li għandek hija “tweet” qasira.

Kif toħloq profil

  • Meta toħloq isem għall-profil tiegħek tista’ tuża l-isem tal-kumpanija jew il-blogg tiegħek - imbagħad isir magħruf bħala @companyname tiegħek.
  • Tella’ l-logo tiegħek minflok ritratt - huwa aħjar li ma tużax l-avatar prestabbilit ta’ Twitter peress li n-nies jixtiequ jaraw min int.
  • Inkludi URL biex tgħaqqad l-organizzazzjoni/il-kampanja tiegħek.

Kif tikkomunika permezz ta’ Twitter

  • Segwi n-nies – organizzazzjonijiet oħra, lil dawk kollha li għandek xi interess personali fihom u malli tibda tuża Twitter se ssib aktar nies li tkun tixtieq issegwi.
  • Kun konċiż: l-uniku mod ta’ komunikazzjoni hawnhekk huwa “tweets” qosra.
  • Huwa għodda aktar informali għalhekk jinvolvi lingwa informali.
  • Tinsiex taġġornah b’mod regolari.
  • Tista’ tużah waqt l-avvenimenti tiegħek: pereżempju, persuna tista’ ttellgħa tweets f’ħin reali waqt konferenza stampa.
  • Itfa’ links għall-paġna web tiegħek fit-tweets tiegħek (eż. link għall-aħħar stqarrija għall-istampa). Uża l-paġna bit.ly biex tqassarhom.

Tinsiex iżżid “hash tags” (“#”) mal-posts tiegħek. Trid iżżidhom mal-kliem ewlieni, eż. #OSH. Dan jippermetti lil utenti oħra jfittxu u jiffiltraw abbażi ta’ dawk it-termini ewlenin, jikkollaboraw u jikkondividu informazzjoni rilevanti.