Nilqgħuk fil-gwida pass pass tagħna għall-ippjanar u t-tmexxija ta’ kampanji effettivi ta’ promozzjoni
Dan is-sett ta’ għodod jipprovdi pariri prattiċi dwar kif tipprepara u tagħmel kampanji b’suċċess għal ġestjoni aħjar tas-sigurtà u s-saħħa fuq il-post tax-xogħol. Is-sett ta’ għodod fih eżempji utli u prattiċi ta’ diversi għodod ta’ komunikazzjoni b’suġġerimenti u tekniki partikolari għall-użu tagħhom.
1.Għaliex tagħmel kampanja?
Jekk għandek messaġġ dwar is-sigurtà u s-saħħa li tixtieq tikkondividi, it-tnedija ta’ kampanja hija mod effettiv biex tiżgura li leħnek jinstema’.
2.Ippjana l-kampanja tiegħek
Pjan komprensiv għat-tmexxija tal-kampanja tiegħek jippermettilek tiffoka fuq il-passi kollha meħtieġa.
3.Riżorsi u networks
Agħmel l-aħjar użu mir-riżorsi disponibbli tiegħek u oħloq sitwazzjoni fejn kulħadd jirbaħ, kemm int kif ukoll is-sħab tiegħek.
Eżempji ta’ kampanja u għodod
F’din it-taqsima għandek issib deskrizzjonijiet, kif ukoll il-vantaġġi u l-iżvantaġġi tal-għodod ta’ kampanja u ta’ komunikazzjoni l-aktar importanti, fosthom bażi ta’ data li tista’ tfittex fiha eżempji ta’ prattika tajba.
L-ażma ta’ Antoine il-Furnar
ag2r La Mondiale
Franza
Vidjo ta’ Antoine, furnar żagħżugħ, li jiskopri r-riskji fuq il-post tax-xogħol marbuta mal-professjoni tiegħu. Dawn jistgħu jkunu allerġiji respiratorji marbuta mat-trab tad-dqiq. Il-vidjo ngħata premju fil-Festival Internazzjonali tal-Midja għall-Prevenzjoni 2017 u għandu l-għan li jħeġġeġ lill-furnara jadottaw prattiki tax-xogħol tajbin għas-saħħa, bħal tlaħliħ tal-imnieħer.
Is-sigurtà tista’ tkun - Ħames stejjer dwar sigurtà fuq il-post tax-xogħol
Istituto Nazionale Assicurazione contro gli Infortuni sul Lavoro (INAIL: L-Istitut Nazzjonali għall-Assigurazzjoni kontra l-Aċċidenti fuq ix-Xogħol)
L-Italja
Pakketti tal-aħbarijiet (A roll). DVD li fih ħames dokumentarji f’format ta’ vidjo li juru eżempji konkreti ta’ prattiki tajba ta’ sigurtà fuq il-post tax-xogħol, magħmula minn diretturi tal-Films Taljani żgħażagħ u promettenti.
Il-profil ta’ YouTube ta’ Toyota Material Handling
Toyota Material Handling
L-UE
Profil ta’ YouTube ta’ Toyota Material Handling b’ħafna filmati dwar teknoloġiji ġodda u soluzzjonijiet ergonomiċi biex ix-xogħol isir aktar sigur għall-impjegati.
L-Istrateġija Awstrijaka għas-saħħa u s-sigurtà fuq il-post tax-xogħol 2007-2012
Bundesministerium für Arbeit, Soziales und Konsumentenschutz, Zentral-Arbeitsinspektorat (il-Ministeru Federali għall-Ekonomija u x-Xogħol)
L-Awstrija
Fuljett dwar l-istrateġija nazzjonali Awstrijaka għall-OSH. Ġew iddefiniti ħames oqsma li huma koperti: il-valutazzjoni tar-riskju u s-sensibilizzazzjoni dwar il-periklu, il-prevenzjoni tal-aċċidenti, il-prevenzjoni ta’ mard okkupazzjonali u relatat max-xogħol, l-istruzzjoni u t-taħriġ avvanzat u l-informazzjoni dwar is-saħħa u s-sigurtà fuq il-post tax-xogħol.
Bicike (lj)
Europlakat u l-Belt ta’ Ljubljana
Is-Slovenja
Sabiex jiġu rreklamati l-postijiet tal-kiri tar-roti ġodda f’Ljubljana, ġiet imnedija kampanja ta’ reklamar fil-beraħ. Il-poster fil-forma ta’ rota li juri l-inħawi tal-postijiet tal-kiri u r-rotot tar-roti.