Merħba għall-Kampanja Postijiet tax-Xogħol li Jġibu ’l Quddeim is-Saħħa – l-akbar inizjattiva fl-Ewropa għall-promozzjoni tas-sigurtà u s-saħħa fuq il post tax-xogħol!
Il-messaġġ tagħna huwa sempliċi iżda qawwi:
Is-sigurtà u s-saħħa fuq il-post tax-xogħol jikkonċernaw lil kulħadd.
Tajjeb għalik, tajjeb għan-negozju.
Kull tliet snin, niffukaw fuq suġġett ewlieni tas-saħħa u s-sigurtà fuq il-post tax-xogħol – mill-ġestjoni tar-riskji u l-prevenzjoni ta' inċidenti sal-appoġġ tax-xogħol sostenibbli matul il-karrieri tan-nies.
Aħna niżguraw li ħadd ma jitħalla lura. In-negozji ż-żgħar u l-ħaddiema vulnerabbli jinsabu fil-qalba tal-isforzi tagħna.
X’jagħmel lil din il-kampanja speċjali?
- L-akbar kampanja ta’ dan it-tip fid-dinja.
- Temi ffukati li huma importanti għal postijiet tax-xogħol reali.
- Għodod prattiċi, suġġerimenti u riżorsi li tista’ fil-fatt tuża.
- Avvenimenti eċċitanti bħall-Ġimgħa Ewropea għas-Sigurtà u s-Saħħa fuq il-Post tax-Xogħol, il-Premjijiet ta’ Prattika Tajba għal Postijiet tax-Xogħol li Jġibu ’l Quddiem is-Saħħa u l-Premju tal-Films dwar Postijiet tax-Xogħol li Jġibu ’l Quddiem is-Saħħa.
Kemm jekk int impjegatur, ħaddiem, responsabbli għall-politika, professjonist tas-Saħħa u s-Sigurtà fuq il-Post tax-Xogħol (OSH) jew organizzazzjoni kummerċjali, hemm xi ħaġa għalik fil-kampanja.
Kif nilħqu l-post tax-xogħol?
Il-kollaborazzjoni mas-sostenituri fl-Ewropa kollha hija l-magna wara s-suċċess tal-kampanja.
Naħdmu ma’ network inkredibbli ta’ sostenituri madwar l-Ewropa — inklużi l-punti fokali nazzjonali tagħna, is-sħab uffiċjali tal-kampanja, is-sħab tal-media, l-ambaxxaturi tal-EEN u tal-OSHVET, is-sħab soċjali Ewropej, l-istituzzjonijiet tal-UE (speċjalment il-Presidenzi tal-Kunsill), u aġenziji oħra tal-UE. Flimkien, jgħinuna nkunu konnessi ma’ postijiet tax-xogħol ta’ kull daqs u settur.
Lest biex tieħu azzjoni?
Involvi ruħek illum...
Għax post tax-xogħol li jġib ’il quddiem is-saħħa jibda bik!
- Explora s-sett tal-għodod tal-kampanja tagħna
- Ingħaqad ma’ avveniment jew ospita l-avveniment tiegħek stess
- Ikkondividi l-istorja ta’ suċċess tiegħek jew innomina prattiki tajbin
