Image
X’inhuma?
Organizzati mill-EU-OSHA u l-punti fokali nazzjonali tagħha, il-Premjijiet ta’ Prattika Tajba għal Postijiet tax-Xogħol li Jġibu ’l Quddiem is-Saħħa jirrikonoxxu organizzazzjonijiet li juru approċċi eċċellenti u innovattivi għas-sigurtà u s-saħħa fuq il-post tax-xogħol. Il-Premjijiet joffru l-opportunità perfetta li wieħed jinvolvi lilu nnifsu fil-kampanja, li tippermetti lill-organizzazzjonijiet biex ippromwovu u jikkondividu prattiki tajba fl-Ewropa kollha.
Il-kompetizzjoni hija proċess f’żewġ stadji. Is-sottomissjonijiet l-ewwel jiġu ġġudikati fuq livell nazzjonali, u wara, ġurija pan-Ewropea tripartitika tiltaqa’ biex tagħżel ir-rebbieħa ġenerali.
Il-kisbiet tal-eżempji ta’ prattika tajba li jintgħażlu, jiġu ppremjati u mfaħħra jiġu promossi b’mod wiesa’ mill-EU-OSHA u s-sħab tan-network tagħha.
Eżempji ppremjati u mfaħħra
Il-ġurija pan-Ewropea tripartitika tagħna ddeċidiet dwar ir-rebbieħa ġenerali u faħħret l-eżempji. L-eżempji juru l-ħafna benefiċċji ta’ post tax-xogħol aktar sikur u li jġib aktar ‘il quddiem is-saħħa meta kulħadd ikun involut.
Il-ġurija rrikonoxxiet eżempji li wrew titjib reali u dimostrabbli fis-sigurtà u s-saħħa okkupazzjonali (OSH) u li wrew approċċ olistiku għall-ġestjoni tal-OSH. Barra minn hekk, l-interventi magħżula kellhom ikunu sostenibbli fuq terminu twil u trasferibbli għal postijiet tax-xogħol oħra u f’setturi differenti fl-Ewropa kollha. Kellhom ukoll jissodisfaw jew imorru oltre r-rekwiżiti leġiżlattivi tal-Istat Membru tal-UE fejn ġew implimentati.
- U r-rebbieħa huma…
Ara min kien ppremjat u mfaħħar għall-impenn qawwi favur l-OSH. - Nixtieq insir naf aktar dwar l-eżempji
Għal aktar informazzjoni dwar ir-rebbieħa nazzjonali, tista’ tikkuntattja l-punt fokali ta’ pajjiżek.