Wikipedia
Adattat għal:
It-tipi kollha ta’ organizzazzjonijiet.
X’inhi?
Wikipedia hija enċiklopedija multilingwi b’xejn ibbażata fuq il-web. Is-17-il miljun artiklu tagħha nkitbu b’mod kollaborattiv minn voluntiera madwar id-dinja, u kważi l-artikli kollha tagħha jistgħu jiġu editjati minn kull min għandu aċċess għas-sit.
Benefiċċji
- Tista’ toħloq paġna informattiva għall-kampanja tiegħek mingħajr ħlas.
- Il-paġna tiegħek ta’ Wikipedia tista’ tattira aktar nies għal fuq is-sit web tal-kampanja/organizzazzjoni tiegħek.
Limitazzjonijiet
- Kun af li kulħadd jista’ jkollu aċċess biex jeditja dan.
- Il-post għandu jkollu l-għan li jinforma aktar milli jbigħ, u dan jista’ jdejjaq lill-qarrej.
Kif jista’ jintuża?
Tista’ żżid id-dettalji tal-organizzazzjoni tiegħek jew id-dettalji tal-kampanja tiegħek fuq Wikipedia.
X’għandek tinkludi
- Inkludi għarfien fattwali tal-kampanja, bħall-oriġini u l-isfond tagħha.
- Organizza l-entrata tiegħek f’Wikipedia bħala kapitli (eż. l-għanijiet tal-kampanja, data fattwali).
- Jekk toħloq paġna ddedikata għal kampanja, tista’ tagħmel kontroreferenza għal xi wħud mill-punti ewlenin tal-kampanja tiegħek ma’ paġni oħra ta’ Wikipedia (eż. paġni tas-sħab fil-kampanja tiegħek).
L-Istitut Nazzjonali tar-Riċerka u s-Sigurtà ta’ Franza Wikipedia
Institut national de recherche et de sécurité
Franza
Paġna fuq Wikipedia tal-Istitut Nazzjonali tar-Riċerka u s-Sigurtà ta’ Franza (INRS) li tintroduċi l-missjoni, l-objettivi u l-membri tagħha flimkien ma’ aktar informazzjoni dwar l-organizzazzjoni.
Gigpedia
Wageindicator Foundation
Internazzjonali
Gigpedia hija l-bażi tad-data globali dwar ix-xogħol fuq il-pjattaformi diġitali u għandha l-għan li tipprovdi ħarsa ġenerali lejn l-informazzjoni disponibbli dwar l-ekonomija globali tal-pjattaformi. Il-wiki fih informazzjoni dwar il-leġiżlazzjoni eżistenti, il-każijiet tal-qorti u l-klassifikazzjonijiet tal-istandards tax-xogħol għal pjattaformi speċifiċi.
L-OSHwiki tippermetti l-kondiviżjoni ta’ għarfien, informazzjoni u l-aħjar prattiki dwar is-saħħa u s-sigurtà fuq il-post tax-xogħol (OSH)
EU-OSHA
L-UE
L-OSHwiki ġiet żviluppata mill-EU-OSHA biex tippermetti l-kondiviżjoni ta’ għarfien, informazzjoni u l-aħjar prattiki dwar is-saħħa u s-sigurtà fuq il-post tax-xogħol (OSH), sabiex tappoġġa lill-gvern, lill-industrija u lill-organizzazzjonijiet tal-impjegati fl-iżgurar tas-saħħa u s-sigurtà fuq il-post tax-xogħol. L-OSHwiki għandha l-għan li tkun sors awtorevoli ta’ informazzjoni li tiġi faċilment aġġornata, editjata jew tradotta u li tilħaq lil hinn mill-komunità tal-OSH.
Enċiklopedija tal-OSH
Verlag Dashöfer
Ir-Repubblika Ċeka
L-Enċiklopedija tal-OSH isservi bħala għodda għall-orjentazzjoni fir-rigward tat-terminoloġija użata fis-saħħa u s-sigurtà fuq il-post tax-xogħol u f’oqsma relatati fir-Repubblika Ċeka. Hija għodda utli għall-organizzazzjonijiet, l-esperti u l-istudenti li jittrattaw kwistjonijiet relatati mal-OSH. L-Enċiklopedija tal-OSH hija verżjoni nazzjonali tal-OSHwiki tal-EU-OSHA.
OSHwiki dwar mard muskoloskeletali
EU-OSHA
L-UE
L-OSHwiki ġiet żviluppata mill-EU-OSHA biex tippermetti l-kondiviżjoni ta’ għarfien, informazzjoni u l-aħjar prattiki dwar is-saħħa u s-sigurtà fuq il-post tax-xogħol (OSH). Dan l-eżempju jkopri mard muskoloskeletali u jinkludi artikli dwar strateġiji ta’ prevenzjoni u ritorn lejn ix-xogħol, fatturi ta’ riskju għal diversi gruppi u setturi u suġġerimenti prattiċi u rakkomandazzjonijiet għall-prevenzjoni u l-ġestjoni b’suċċess ta’ mard muskoloskeletali.