Sett ta’ għodod tal-kampanja

LinkedIn

Adattat għal:

It-tipi kollha ta’ organizzazzjonijiet.

X’inhi?

LinkedIn huwa wieħed mill-akbar pjattaformi ta’ networking tan-negozju. Għandu aktar minn 52 miljun utent attiv mad-dinja kollha, nofshom fl-Istati Uniti u madwar 11-il miljun membru fl-Ewropa. Il-pjattaforma toffri li tagħmel kuntatti u tgħin lill-professjonisti jżommu lista ta’ konnessjonijiet.

Benefiċċji

  • Hija għodda mill-aqwa biex iżżomm kuntatti professjonali u tippromwovi l-organizzazzjoni tiegħek.

Limitazzjonijiet

  • Mhux is-servizzi u l-applikazzjonijiet kollha ta’ LinkedIn huma mingħajr ħlas.

Kif jista’ jintuża?

  • Il-funzjonijiet bażiċi ta’ LinkedIn huma:
    • Iż-żamma ta’ lista ta’ dettalji ta’ kuntatt u ta’ konnessjonijiet (konnessjonijiet diretti, konnessjonijiet tat-tieni u tat-tielet grad).
    • It-tiftix għal impjiegi, nies u opportunitajiet ta’ negozju.
    • Il-kondiviżjoni ta’ għarfien u ġbir ta’ pariri.
    • Il-ġbir ta’ informazzjoni u data.
    • Is-soċjalizzazzjoni.
    • Il-promozzjoni permezz tal-parteċipazzjoni fi gruppi ta’ diskussjoni ta’ LinkedIn.

Kif toħloq preżenza fuq LinkedIn

  • Oħloq paġna tal-kumpanija – il-paġna tal-kumpanija maħluqa mill-American Red Cross ġibdet eluf ta’ segwaċi. Tinsiex l-aspett tal-identità korporattiva tiegħek: uża l-logo tiegħek minflok stampa.
  • Oħloq gruppi. Dawn huma għodda ta’ networking ta’ benefiċċju u mod tajjeb kif tespandi n-network tiegħek. Tinsiex tissieħeb biss fi gruppi li huma relatati mal-organizzazzjoni tiegħek, il-kumplament ġeneralment jistgħu jfixklu biss.

Ibni n-network tiegħek ta’ konnessjonijiet

  • Fittex rakkomandazzjonijiet sinifikanti: karatteristika mill-aqwa ta’ LinkedIn hija l-kapaċità li jipprovdi rakkomandazzjonijiet. Dan huwa post fejn il-konnessjonijiet tiegħek jistgħu jikkummentaw dwar xogħlok. Tista’ titlob lil persuni jikkummentaw dwar l-attività tiegħek eż. is-sħab tal-kampanja tiegħek.
  • Ħeġġeġ lill-persunal tiegħek biex joħloq profili mimilja kollha – Aktar ma l-profili tal-persunal tiegħek ikunu mimlija, aktar hemm probabbiltà li l-organizzazzjoni tiegħek tattira u tagħmel kuntatt mal-udjenzi kritiċi kollha tiegħek.
  • Għal-finijiet tal-OSH tista’ tużah bħala għodda biex tagħmel kuntatt mal-partijiet ikkonċernati u s-sħab professjonali tiegħek.