Reklami virali
Adattat għal:
Organizzazzjonijiet akbar b’riżorsi finanzjarji akbar.
X’inhi?
Il-vidjows virali huma vidjows qosra online, li jqanqlu l-emozzjoni ta’ dak li jkun u li huma mfassla biex ikunu tant popolari mal-udjenza fil-mira li dawn jingħaddew lil membri oħra tal-udjenza. Il-vidjows virali jaħdmu bħala tip ta’ teknika ta’ tixrid li tiġġenera inti stess.
Benefiċċji
- Meta jkollhom suċċess, il-vidjows virali jgħinuk tippromwovi l-kampanja tiegħek mingħajr l-intervent dirett tiegħek għaliex jgħaddu minn utent għal ieħor.
- Huma wkoll għodda li jistgħu jirbħu l-qlub ta’ udjenza żagħżugħa.
- Vidjow virali tajjeb għandu ħajja twila u jfakkar lill-udjenza dwar il-kampanja tiegħek.
Limitazzjonijiet
- Il-produzzjoni ta kontenut virali tista’ tkun tiswa ħafna flus, u minħabba n-natura ġġenerata mill-utent ta’ kontenut virali m’hemm l-ebda garanzija li se jiġi mxerred b’mod wiesa’ kif ikollok f’moħħok.
Elementi essenzjali
- Hemm tliet elementi essenzjali għal kontenut virali. Dan għandu jkun:
- Tad-daħk
- Jaħsad
- Jew li jqanqal ħniena.
- Tarax il-kontenut virali bħala vidjo standard biex tikkomunika l-għanijiet tal-kampanja tiegħek. Mhuwiex vidjo edukattiv.
- Is-soluzzjoni hija li ssib forma li hija “virali” biżżejjed biex tgħaddi bejn l-utenti iżda li xorta jkun fiha elementi ta’ dak li trid tikkomunika.
Udjenza
- Din trid tolqot lil udjenza kemxejn żagħżugħa. Ġeneralment huma jmexxu biss kontenut virali li jqanqal l-emozzjonijiet tagħhom.
- Pereżempju: Il-“kampanja free hugs”, li mhix relatata mal-kampanji dwar is-Saħħa u Sigurtà fuq il-Post tax-Xogħol, kienet filmat virali li kiseb suċċess enormi, u li rawha miljuni ta’ nies mad-dinja kollha. http://www.freehugscampaign.org/
Kif ixxerred il-vidjo virali tiegħek
Hemm żewġ modi ewlenin għall-eżekuzzjoni ta’ kampanja virali biex tattira lill-klijenti:
- It-tqegħid tal-kontenut virali fi bloggs rilevanti, servizzi għall-ġbir tal-aħbarijiet, portali u siti komunitarji. Ġeneralment dan ikun b’xejn jew bi prezz baxx.
- Kollokament tal-midja billi jsir ħlas għal reklamar jew kollokament fil-portali, is-siti komunitarji jew il-bullettini tal-influwenzaturi ewlenin. Hemm għadd ta’ siti ta’ influwenzaturi ewlenin li jipprovdu dan is-servizz.
Modi redikoli ta’ kif wieħed jitlef ħajtu - is-sigurtà fil-ferroviji - kampanja
Metro Train Melbourne
L-Awstralja
Il-kampanja Modi redikoli ta’ kif wieħed jitlef ħajtu għall-metro f’Melbourne, li saret virali fd-dinja kollha. Tinkludi vidjo u app.
Moviment Movember
Movember foundation
Internazzjonali
Karità li tindirizza s-saħħa tal-irġiel fuq skala globali, is-sena kollha. Post virali: Kif Tkabbar Mustaċċi ma’ Nick Offerman - Movember
“Voel je goed op je werk” u “Se sentir bien au travail” (Inħossuna tajbin fuq il-post tax-xogħol)
Ministry of Employment
Il-Belġju
Dawn is-siti web iridu jqajmu sensibilizzazzjoni dwar problemi relatati mal-istress fuq il-post tax-xogħol (relazzjonijiet, drogi u alkoħol, dipressjoni). Fuq il-paġna ewlenija, il-viżitaturi jistgħu jaraw 2 vidjos xokkanti, li kienu ntwerew ukoll fuq l-istazzjonijiet tax-xandir pubbliku. Dawn il-vidjos huma disponibbli bl-Olandiż, bil-Franċiż u bil-Ġermaniż, u jenfasizzaw li l-istress fuq il-post tax-xogħol jista’ jwassal għal problemi f’aspetti oħra ta’ ħajtek. Il-viżitaturi jistgħu jittestjaw ukoll kif iħossuhom fuq il-post tax-xogħol. Hemm ukoll paġna speċjali ddedikata għall-indirizzar tal-istress.
Segwi r-regoli dwar is-saħħa u s-sigurtà fuq il-post tax-xogħol!
Ministry for Economic Development
L-Ungerija
Dan il-filmat tal-mużika jispjega b’mod divertenti xi wħud mir-regoli bażiċi tas-saħħa u s-sigurtà fuq il-post tax-xogħol. Jgħin ukoll biex tinxtered il-kultura ta’ prevenzjoni fuq il-postijiet tax-xogħol.