Dossier għall-istampa
Adattat għal:
It-tipi kollha ta’ organizzazzjonijiet.
X’inhi?
Dossier għall-istampa huwa pakkett ta’ informazzjoni ppreparat sabiex jingħata lill-ġurnalisti.
Benefiċċji
- Tista’ tuża dossier għall-istampa għal konferenza stampa jew għal kwalunkwe laqgħa li torganizza li tinvolvi l-midja (laqgħat, fieri kummerċjali u wirjiet, konferenzi, workshops, eċċ.).
Limitazzjonijiet
- Jekk tikkunsidra li tipprepara, pereżempju, DVD jew stikek USB, dan jista’ jinvolvi aktar spejjeż.
Oġġetti li għandek tinkludi
Id-dossier għall-istampa għandu jinkludi:
- Stqarrija għall-istampa.
- Folja ta’ informazzjoni dwar l-isfond tal-kampanja tiegħek.
- Bijografiji qosra u kwotazzjonijiet ta’ kelliema u ambaxxaturi tal-proġett (jekk ikun hemm minnhom).
- DVD jew stikka USB b’xi stampi jew vidjo dwar il-kampanja tiegħek.
- Business card tal-kelliem għall-kampanja.
- Ma tistax tinkludi d-dettalji kollha tal-kampanja tiegħek iżda jeħtieġ li tinkludi l-informazzjoni ewlenija biex tgħin lill-ġurnalist jifhem il-kwistjonijiet ċentrali:
- Dejjem agħmel li tista’ biex ikollok data fattwali u fatti.
- Ipprova inkludi eżempji prattiċi jew studji tal-każ.
L-informazzjoni li tagħti għandha tkun aġġornata, fattwali, preċiża, komprensiva u ppreżentata tajjeb.
Kif tippreżenta d-dossier għall-istampa
- L-aħjar mod biex tippreżenta d-dossiers għall-istampa huwa f’folder li jinkludi l-immarkar standard tal-organizzazzjoni tiegħek jew li jista’ jkun speċifiku għall-kampanja.
- Tista’ tinkludi wkoll verżjoni online tad-dossier għall-istampa fuq is-sit web tiegħek, li idealment titpoġġa fit-taqsima tal-midja.