Intervista
Adattat għal:
It-tipi kollha ta’ organizzazzjonijiet.
Adattat għal:
Intervista hija konverżazzjoni bejn xi ħadd mill-organizzazzjoni tiegħek, jew espert li qed taħdem miegħu matul il-kampanja, u ġurnalist.
Benefiċċji
- Intervista tagħtik iċ-ċans li tippreżenta l-kampanja tiegħek direttament lill-midja, sabiex din tkun tista’ tinbigħ u tingħata l-ħajja.
Limitazzjonijiet
- M’hemm l-ebda garanzija li l-ġurnalist se jistaqsi mistoqsijiet faċli. Kun ippreparat għal kwalunkwe mistoqsija li jistgħu jistaqsu.
Kif tikkuntattja ġurnalist
- Meta tmexxi kampanja probabbilment se tintalab mill-ġurnalisti biex tagħti intervista.
- Bl-istess mod tista’ wkoll tistaqsi lill-ġurnalisti jekk ikunux interessati li jintervistaw lill-kelliem tal-kampanja jew lil speċjalista.
Kif tipprepara
- Sib ġurnalist li huwa interessat f’suġġetti dwar is-Saħħa u s-Sigurtà fuq il-Post tax-Xogħol:
- Wettaq riċerka dwar il-programmi tar-radju/tat-televiżjoni, taqsimiet fil-gazzetti dwar is-Saħħa u x-Xogħol – min imexxihom?
- Agħti ħarsa lejn l-artikli ppubblikati biex issir taf min qed jikteb dwar is-suġġett tal-kampanja tiegħek u min jista’ jkun interessat fil-kampanja tiegħek.
- Jekk issib ġurnalist, staqsih jekk għandux kwistjonijiet partikolari li jixtieq jiddiskuti u kun żgur li tagħmel ir-riċerka tiegħek dwar dawn il-kwistjonijiet.
- Agħmel xi riċerka dwar il-ġurnalist u l-pubblikazzjoni:
- X’tip ta’ midja hi?
- X’inhu l-istil ta’ rappurtar tagħhom?
- Dawn huma ġurnalisti serji u bbilanċjati, jew huma aggressivi u jfittxu stejjer esklussivi?
- Ipprova aħseb x’tista’ tiġi mistoqsi u pprepara lista taʼ mistoqsijiet u tweġibiet.
- Ipprepara d-data fattwali l-aktar importanti li tista’ tkun utli waqt l-intervista.
Kif tmexxi l-intervista
- Tinsiex li inti qed tmexxi l-intervista:
- Dejjem għandek tantiċipa dak li l-ġurnalist se jkun irid jistaqsik, u kun ippreparat b’xi tweġibiet tajbin.
- Kun af ukoll liema punti ewlenin tixtieq tfiehem.
