Pubblikazzjonijiet xjentifiċi
Adattat għal:
It-tipi kollha ta’ organizzazzjonijiet.
X’inhi?
Pubblikazzjoni li tiffoka fuq suġġett xjentifiku partikolari (pereżempju, ir-riperkussjonijiet fuq is-saħħa tat-tipjip passiv). Tittratta s-suġġett b’mod aktar profond u ddettaljat minn, pereżempju, fuljett.
Benefiċċji
- Pubblikazzjoni tista’ tintuża għal ħafna skopijiet:
- Materjal ta’ distribuzzjoni u sfond għal għodod oħrajn.
- Stqarrija għall-istampa.
- Fuljett.
- Tista’ tqassmu waqt avvenimenti u fieri kif ukoll tagħmlu disponibbli online.
Limitazzjonijiet
- Minħabba n-natura xjentifika tagħha, normalment ma tkunx maħsuba għall-pubbliku ġenerali.
Kif tista’ tintuża?
- Din it-tip ta’ pubblikazzjoni tista’ sservi bħala sfond xjentifiku għall-kampanja tiegħek.
- Tista’ tuża d-data tagħha fi stqarrija għall-istampa, fuljett jew opuskulu.
Kif tipproduċi l-pubblikazzjoni
Itlob lil speċjalista dwar is-suġġett li għażilt tas-Saħħa u Sigurtà fuq il-Post tax-Xogħol biex jikteb pubblikazzjoni għalik. Għalkemm wieħed għandu jżomm f’moħħu li anke jekk huwa test “xjentifiku” jista’ jinqara minn persuni mhux speċjalisti. Allura t-test m’għandux jinkludi lingwaġġ akkademiku jew tekniku wisq.
Suġġerimenti tal-kontenut
- Uża ritratti biex turi d-data.
- Tinsiex l-aspett tal-identità korporattiva tiegħek.
Distribuzzjoni
- Uri l-pubblikazzjonijiet tiegħek waqt avvenimenti, konferenzi stampa u seminars.
- Ara li jkunu jistgħu jitniżżlu online.
Rapport: “Prospettiva dwar riskji okkupazzjonali ġodda u emerġenti tas-saħħa u s-sikurezza assoċjati mad-diġitalizzazzjoni sal-2025”
European Agency for Safety and Health at Work (EU-OSHA)
L-UE
Rapport xjentifiku tal-Aġenzija Ewropea għas-Sigurtà u s-Saħħa fuq il-Post tax-Xogħol biex jiġu ppreżentati r-riżultati finali ta’ proġett kbir ta’ prospettiva dwar l-iżviluppi fit-teknoloġiji diġitali u l-bidliet fid-dinja tax-xogħol.
Rijabilitazzjoni u ritorn lejn ix-xogħol: Rapport ta’ analiżi dwar il-politiki, l-istrateġiji u l-programmi tal-UE u tal-Istati Membri
European Agency for Safety and Health at Work (EU-OSHA)
L-UE
Fil-kuntest tal-forza tax-xogħol li qed tixjieħ, dan ir-rapport jagħti ħarsa ġenerali lejn l-approċċi meħuda fir-rigward tar-riabilitazzjoni u r-ritorn lejn ix-xogħol fl-Ewropa kollha
Mard muskoloskeletali relatat max-xogħol: Fatti u Ċifri — Rapport ta’ sinteżi
EU-OSHA
L-UE
Rapport ta’ sinteżi li jlaqqa’ flimkien data u informazzjoni ppubblikati f’10 rapporti nazzjonali dwar il-mard muskoloskeletali (id-Danimarka, il-Ġermanja, Spanja, Franza, l-Italja, l-Ungerija, in-Netherlands, l-Awstrija, il-Finlandja u l-Iżvezja).
Digital technologies and the nature and routine intensity of work (Teknoloġiji diġitali u n-natura u l-intensità tar-rutina tax-xogħol)
European Trade Union Institute (ETUI)
L-UE
Id-dokument jesplora l-impatt tat-teknoloġiji diġitali fuq in-natura u l-intensità ta’ rutina tax-xogħol tal-ħaddiema, il-modi li bihom it-teknoloġiji diġitali jeżerċitaw l-effetti tagħhom u l-fatturi li jimmoderaw l-eżiti tad-diġitalizzazzjoni fir-rigward tax-xogħol.
Lejn kultura ta’ prevenzjoni tar-riskju fuq il-post tax-xogħol
Agence nationale pour l’amélioration des conditions de travail (Anact)
Franza
Pubblikazzjoni xjentifika li tiddiskuti l-prevenzjoni tar-riskju fuq il-post tax-xogħol.