Wirjiet
X’għandha tkun enfasi?
L-enfasi tal-wirjiet hija fuq il-ħolqien ta’ preżenza u li turi l-organizzazzjoni tiegħek lil udjenza usa’. Filwaqt li l-kontenut huwa importanti, il-viżibbiltà u l-fatt li l-udjenza tiegħek taf li qiegħed preżenti huma l-prijorità, għaldaqstant kun kreattiv u involut.
Benefiċċji
- Grazzi għal avveniment bħal dan tista’ tattira udjenza u tinformaha dwar l-aktar messaġġi importanti tal-kampanja tiegħek.
- Jekk organizzat tajjeb, l-udjenza tiegħek tibqa’ tiftakar fl-avveniment.
Limitazzjonijiet
- Dawn l-avvenimenti normalment jiswew ħafna flus u jinvolvu ħin u enerġija.
Ippjana l-istand għall-wirja tiegħek
- Uża kuluri u elementi viżwali li jolqtu l-għajn biex tiġbed l-attenzjoni tan-nies.
- Jekk huwa possibbli, ara li jkollok dimostrazzjonijiet interattivi li jinvolvu viżitaturi tal-istand tiegħek. Jista’ jintwera vidjo.
- Ara li jkollok messaġġ sempliċi u ċar, li jiffoka fuq il-karatteristiċi u l-benefiċċji:
- Dan għandu jkun viżibbli minn ftit ’il bogħod.
- Uża tipa iżgħar għall-informazzjoni ta’ appoġġ u għal messaġġi inqas importanti.
- Żomm l-informazzjoni kollha għal minimu peress li ħafna nies se jqattgħu biss ftit minuti fuq l-istand tiegħek.
- Inkludi stands bil-letteratura sabiex il-viżitaturi jkunu jistgħu jieħdu l-informazzjoni:
- Iċċekkja l-għadd imbassar ta’ dawk li se jattendu.
- Irid ikollok biżżejjed provvisti tal-materjali t-tajba.
