Avvenimenti ffukati fuq il-kontenut

Adattat għal:

It-tipi kollha ta’ organizzazzjonijiet.

X’inhuma?

Dawn l-avvenimenti jistgħu jkunu:

Konferenzi u seminars
Wirjiet kummerċjali/professjonali
Wirjiet itinerarji promozzjonali
Wirjiet lokali
Wirjiet jew tnedijiet privati.

L-għan ewlieni ta’ dawn l-avvenimenti huwa li jippromwovu l-organizzazzjoni tiegħek b’mod ġenerali, jew wieħed mill-prodotti, għodod jew servizzi ġodda tal-organizzazzjoni. L-objettiv tagħhom huwa li jinfurmaw, sabiex ixerrdu l-informazzjoni.

Benefiċċji

Okkażjoni mill-aqwa sabiex tikkomunika messaġġi ewlenin mal-grupp fil-mira tiegħek dwar il-kampanja u l-organizzazzjoni tiegħek.
L-udjenzi f’dawn l-avvenimenti speċjalizzati diġà għandhom għarfien dwar is-Saħħa u Sigurtà fuq il-Post tax-Xogħol u għalhekk l-għan ta’ dawn il-laqgħat huwa li jibnu fuq dan l-għarfien b’informazzjoni u kontenut xierqa.
Tista’ tikkomunika personalment u twieġeb il-mistoqsijiet tal-udjenza tiegħek fuq is-sit.
Opportunità biex tiġbor kuntatti.

Limitazzjonijiet

Normalment biex torganizza avveniment bħal dan, jinvolvi ħafna enerġija u ħin imma żgur li mhux se jiddispjaċik!

Kif tippjana l-avveniment

Ippjana b’attenzjoni:

Aħseb dwar in-nies li se jkunu qed jattendu l-avveniment. Ikkunsidra l-ħtiġijiet tal-għarfien u l-informazzjoni tagħhom u pprepara l-kontenut tiegħek skont dan:
- Pereżempju, jekk qed torganizza seminar dwar l-aħħar leġiżlazzjoni, wieħed jista’ jassumi xi għarfien minn qabel. Minkejja dan, huwa dejjem utli li tagħti ftit informazzjoni qasira.
Se jkollok spazju għall-materjali ta’ markar u informazzjoni?
X’tistaʼ toffri lill-udjenza tiegħek biex tibqa’ tiftakar il-messaġġ tiegħek?
Aħseb dwar persuna li tista’ tindirizza lill-udjenza dwar suġġetti marbuta mas-Saħħa u s-Sigurtà fuq il-Post tax-Xogħol:
- Tista’ tkun speċjalista jew kelliem mill-organizzazzjoni tiegħek.
- Żomm f’moħħok li għandha tkun persuna li tistaʼ twassal il-messaġġ tiegħek b’mod li jinftiehem faċilment.