Sett ta’ għodod tal-kampanja

Strixxun online

Adattat għal:

It-tipi kollha ta’ organizzazzjonijiet.

X’inhi?

Strixxun online huwa għodda li tista’ titqabbel ma’ reklamar stampat. Qed tirreklama l-messaġġ tiegħek f’kaxxa li normalment ikun fiha test u immaġnijiet. L-istrixxun jista’ jkun interattiv jew statiku. L-istrixxuni interattivi għandhom it-tendenza li jiġu nnutati aktar. L-objettiv huwa li l-qarrejja jagħfsu fuq l-istrixxun biex imbagħad jaraw is-sit web li tikkollega l-istrixxun tiegħek miegħu.

Benefiċċji

  • Jekk għandek organizzazzjonijiet sħab, tista’ titlobhom ipoġġu l-istrixxun fuq is-siti web tagħhom mingħajr ħlas.
  • L-istrixxuni huma link mill-aqwa għas-sit web tal-kampanja tiegħek.

Limitazzjonijiet

  • Għandek tissorvelja kontinwament il-kampanja tiegħek u tiċċekkja l-click-through rate (CTR)
  • Irid ikollok xi għarfien espert tekniku biex toħloq wieħed.
  • Kun konxju li l-utenti tal-web għandhom it-tendenza li jinjoraw l-istrixxuni online.

Gwida għall-kontenut

  • Trid taħseb sew b’liema proporzjon se tqassam l-immaġnijiet/it-test. In-nies mhux se “jaqraw” l-istrixxun online.
  • Illimita t-test tiegħek għall-messaġġ li qed twassal il-kampanja tiegħek jekk għandek strixxun statiku. Aħseb fit-test bħala serje ta’ mistoqsijiet rotanti jekk għandek strixxun interattiv. Pereżempju:
    • L-istress jaffettwa x-xogħol tiegħek? (l-ewwel slide)
    • Trid tibdel din is-sitwazzjoni? (it-tieni slide)
    • Ħu azzjoni issa u żur fuq www.[campaign].com (it-tielet slide).

Kif tpoġġi r-reklam tiegħek

Jekk qed tuża pjattaformi kummerċjali, se jkollok tħallas biex tpoġġi l-istrixxun tiegħek fuq is-siti tagħhom. Min-naħa l-oħra, il-biċċa l-kbira tagħhom se jkunu jistgħu jipprovdulek rati dettaljati ta’ click-through rates (CTR) - in-numru ta’ klikks li jirċievi r-reklam tiegħek diviż bin-numru ta’ drabi li r-reklam tiegħek ikun intwera - u analiżi li tippermettilek tivvaluta l-effettività tal-kampanja tiegħek.