Ċipru: Applikazzjoni mobbli u tal-web għall-verifika tal-konformità tar-rekwiżiti tas-sigurtà u tas-saħħa fl-industrija taż-żejt u tal-gass
L-operazzjonijiet ta’ esplorazzjoni taż-żejt u tal-gass offshore jinvolvu riskji konsiderevoli għas-sigurtà u s-saħħa tal-ħaddiema. Biex jiġu evitati l-aċċidenti u r-riskji ambjentali, il-ħaddiema għandhom jikkonformaw mal-leġiżlazzjoni u l-proċeduri, filwaqt li l-maniġment għandu jiżgura li l-ħaddiema jkunu familjari mal-protokolli u jaderixxu magħhom. Għaldaqstant, Eni Ċipru adotta applikazzjoni mobbli u tal-web faċli biex tintuża li tinkludi lista ta’ kontroll tal-verifika għal kull kompitu ta’ ħidma speċifiku u tidentifika sinjali dgħajfa ta’ riskji potenzjali. Dan jippermetti approċċ proattiv għat-titjib tas-saħħa u s-sigurtà fuq il-post tax-xogħol (OSH), flimkien ma’ kampanji mmirati ta’ saħħa u sigurtà u taħriġ għall-ħaddiema rilevanti.
Eni Ċipru huwa wieħed mill-eżempji rebbieħa tas-16-il kompetizzjoni tal-Premjijiet ta’ Prattika Tajba f’Postijiet tax-Xogħol Ħielsa mill-Periklu, li jirrikonoxxi l-prevenzjoni u l-ġestjoni b’suċċess tar-riskji marbuta mad-diġitalizzazzjoni fuq il-post tax-xogħol.
