Aħbarijiet

Il-Jum Dinji għas-Sigurtà u s-Saħħa fuq il-Post tax-Xogħol fit-28 ta’ April jiffoka fuq l-impatt tad-diġitalizzazzjoni u tal-intelliġenza artifiċjali (IA) fuq is-sigurtà u s-saħħa fuq il-post tax-xogħol (OSH). L-Organizzazzjoni Internazzjonali tax-Xogħol ippubblikat rapport dwar dan is-suġġett, li għalih ikkontribwiet l-EU-OSHA.

Ir-rapport janalizza l-opportunitajiet u l-isfidi għall-OSH f’oqsma ewlenin tad-diġitalizzazzjoni, bħall-awtomatizzazzjoni tal-kompiti, xogħol mill-bogħod u ibridu, ġestjoni tal-ħaddiema permezz tal-IA u Terminu ġeneriku biex jiġu indikati sistemi ġodda għall-monitoraġġ u t-titjib tas-sikurezza u s-saħħa tal-ħaddiema inkluż pereżempju PPE intelliġenti (li jista’ jidentifika livelli ta’ gassijiet, tossini, livelli ta’ storbju u temperaturi ta’ riskju għoli), aċċessorji li jintlibsu (li kapaċi jinteraġixxu mal-ħaddiema, ma’ sensuri li jistgħu jiġu inkorporati f’elmi protettivi jew fi ħġieġ ta’ sikurezza), sistemi mobbli jew statiċi li jużaw kameras u sensuri (eż. droni li b’mod effettiv jilħqu u jimmonitorjaw żoni perikolużi ta’ siti tax-xogħol li jevitaw li jpoġġu f’periklu lill-bnedmin fl-industriji tal-kostruzzjoni u tal-minjieri). . Dawn huma fost il-ħames oqsma ta’ prijorità tal-kampanja tal-EU-OSHA “Xogħol sigur u li jippromwovi s-saħħa fl-era diġitali” .