Aħbarijiet

L-intelliġenza artifiċjali (IA) qed tintuża dejjem aktar biex tawtomatizza l-kompiti ta’ ġestjoni fuq il-post tax-xogħol - bi 30 % tal-ħaddiema tal-UE jirrapportaw li l-organizzazzjonijiet tagħhom jużaw apparat diġitali biex jassenjaw xiftijiet u 52 % biex jiddeterminaw il-veloċità tax-xogħol (OSH Pulse).

Filwaqt li dawn is-sistemi jissimplifikaw il-kompiti ripetittivi u jżidu l-produttività, huma joħolqu wkoll riskji, inklużi awtonomija mnaqqsa, sorveljanza awmentata u tnaqqis tal-ħiliet.

L-iżgurar li s-sistemi ta’ ġestjoni tal-ħaddiema bbażati fuq l-IA jkollhom impatt pożittiv u li jsegwi approċċ iċċentrat fuq il-bniedem huwa kruċjali għas-sigurtà u s-saħħa tal-ħaddiema. Din hija r-raġuni għalfejn il-Kampanja dwar Postijiet tax-Xogħol li Jġibu’ l Quddiem is-Saħħa issa tqiegħed dan il-qasam ta’ prijorità fiċ-ċentru tal-attenzjoni.

Esplora r-riżorsi dwar dan is-suġġett, inkluża skeda informattiva u preżentazzjoni, b’aktar informazzjoni fil-futur!