10/06/2022
L-awtomatizzazzjoni ta’ kompiti konjittivi: x’tgħidilna l-aktar riċerka riċenti dwar l-implikazzjonijiet tal-OSH
Photo by Marília Castelli on Unsplash
Rapport ġdid jippreżenta l-isfidi u l-opportunitajiet tas-saħħa u s-sikurezza okkupazzjonali (OSH) relatati mal- ta’ kompiti konjittivi, bħall-appoġġ għad-deċiżjonijiet, l-ipproċessar tad-data, l-appoġġ għall-apprendiment u t-tagħlim jew l-ipproċessar tal-lingwa u tat-test, permezz ta’ sistemi bbażati fuq l-Intelliġenza Artifiċjali (IA).
Kif jistgħu sistemi bbażati fuq l-IA jagħmlu x-xogħol aktar effiċjenti u jnaqqsu l-ammont tax-xogħol? U kif il-bidliet u l-interazzjoni mas-sistemi jistgħu jagħmlu impatt fuq il-ħaddiema?
Dan ir-rapport, ibbażat fuq it-tassonomija ta’ sistemi għall-awtomatizzazzjoni ta’ kompiti, żviluppat f’pubblikazzjoni preċedenti tal-EU-OSHA, jivvaluta l-istat attwali tar-riċerka dwar l-effetti ta’ awtomatizzazzjoni ta’ kompiti konjittivi u l-implikazzjonijiet għal impjiegi, okkupazzjonijiet, setturi speċifiċi u għall-OSH.
Żewġ sommarji ta’ politika jikkomplementaw ir-rapport. L-ewwel wieħed juri r-riskji u l-opportunitajiet ewlenin għall-OSH li għandhom jiġu kkunsidrati u jagħti rakkomandazzjonijiet għall-protezzjoni tal-ħaddiema. It-tieni wieħed jippreżenta l-"Att dwar L-Intelliġenza Artifiċjali" tal-Kummissjoni Ewropea u jinvestiga inizjattivi nazzjonali.
Sir af dwar l-implikazzjonijiet tal-OSH fir-rapport u s-sommarju Awtomatizzazzjoni konjittiva: implikazzjonijiet għas-saħħa u s-sikurezza okkupazzjonali
Ikkonsulta s-sommarju ta’ politika Awtomatizzazzjoni konjittiva: l-impatt, ir-riskji u l-opportunitajiet għas-saħħa u s-sikurezza okkupazzjonali
Aqra s-sommarju ta’ politika dwar Awtomatizzazzjoni konjittiva: x’qed jagħmlu l-UE u l-Istati Membri biex jipproteġu lill-ħaddiema?
Tgħallem aktar dwar il-proġett fit-taqsima tematika tal-web Digitalisation of work (Id-diġitalizzazzjoni tax-xogħol)