Leiðarvísir fyrir herferðina

Hvað er verkfærakistan og hvernig getur hún nýst?

Það leikur lítill vafi á því að auglýsinga-, markaðs- og kynningarherferðir geta haft veruleg áhrif á viðhorf fólks og hegðun. En er hægt að beita sömu aðferðum til að efla öryggi og heilbrigði á vinnustöðum?

Svarið er afdráttarlaust: Já.

Þótt þú hafir ekki yfir að ráða sama fjármagni og stór alþjóðleg fyrirtæki getur vel skipulagt og markvisst kynningarátak engu að síður hvatt fólk til að hugsa á nýjan hátt um öryggi og heilbrigði á vinnustöðum og tileinka sér góða starfshætti í vinnuvernd.

Vinnuverndarstofnun Evrópu (EU-OSHA) hefur útbúið þessa verkfærakistu til að veita skýrar leiðbeiningar, skref fyrir skref, um hvernig skipuleggja má og framkvæma árangursrík kynningarátök, óháð stærð fyrirtækis eða stofnunar.

Þetta er einfaldara en margir halda. Lykillinn er að velja rétta samsetningu þátta – skýr skilaboð, viðeigandi markhópa og árangursríkar leiðir til að koma boðskapnum á framfæri. Verkfærakistan er ekki safn fastra reglna heldur hagnýtar ráðleggingar. Veldu þær aðferðir sem henta þínum aðstæðum og aðlagaðu þær að þörfum þinnar starfsemi.

Við vonum að verkfærakistan reynist þér gagnleg.

Vinnuverndarstofnun Evrópu (EU-OSHA)

Heimsæktu vef Vinnuverndarstofnunar Evrópu (EU-OSHA)