Enterprise Europe Network (EEN) er net Evrópusambandsins undir forystu framkvæmdastjórnar Evrópusambandsins. Það samanstendur af um 600 fyrirtækjaþjónustuaðilum í 50 löndum og gegnir mikilvægu hlutverki í stefnu ESB um aukinn hagvöxt og fleiri störf. EEN styður lítil og meðalstór fyrirtæki við að nýta þau tækifæri sem felast í innri markaði Evrópusambandsins.
Frá árinu 2009 hefur EEN átt í samstarfi við EU-OSHA um að efla þekkingu á öryggi og heilbrigði á vinnustöðum meðal lítilla og meðalstórra fyrirtækja og örfyrirtækja.
Í því skyni eru skipaðir sendiherrar EEN á sviði öryggis og heilbrigðis á vinnustöðum (EEN OSH Ambassadors) í hverju landi. Átakið Heilbrigðir vinnustaðir er einn mikilvægasti samstarfsvettvangur EU-OSHA og EEN. Sendiherrarnir taka virkan þátt í að kynna og styðja við átakið í gegnum þetta samstarf.
