Öryggi og heilbrigði á vinnustöðum eru meðal grundvallarréttinda og eru fest í sessi í sáttmálum Evrópusambandsins, meðal annars í sáttmála um grundvallarréttindi Evrópusambandsins og í rammatilskipun ESB um öryggi og heilbrigði á vinnustöðum.
Rammatilskipunin kveður á um meginreglur sem stuðla að auknu öryggi og bættri heilsu starfsfólks í starfi. Hún leggur meðal annars áherslu á:
- forvarnir gegn áhættu,
- vernd öryggis og heilsu starfsfólks,
- mat á áhættu,
- útrýmingu áhættu og orsaka vinnuslysa,
- upplýsingagjöf, samráð, virka þátttöku og þjálfun starfsfólks og fulltrúa þess.
Rammatilskipunin setur lágmarkskröfur um öryggi og heilbrigði á vinnustöðum sem gilda um allt Evrópusambandið. Aðildarríkjum er þó heimilt að viðhalda eða innleiða strangari ákvæði en tilskipunin kveður á um.